Heimilisfræði í Dalskóla

Formkaka með súkkulaði 125 g smjör 125 g sykur 1 egg 250 g hveiti 2 tsk lyftiduft 1 ½ dl mjólk 1 dl súkkulaðibitar ½ tsk sítrónudropar Stillið ofninn á 175°C og yfir- og undirhita. Hrærið smjör og sykur saman með þeytara. Brjótið eggið í glas og blandið svo út í deigið. Setjið hveiti, lyftiduft, sítrónudropa og mjólk í skálina og blandið saman með sleif. Passið að hræra sem minnst eftir að hveitið er komið í skálina. Skerið niður súkkulaði og setjið í deigið. Blandið varlega saman. Smyrjið form og fyllið það að ⅔. Setjið formið á grind neðarlega í ofninn og bakið í 25-30 mínútur.

Blondie með hvítu súkkulaði 110 g smjör 170 g púðursykur 1 egg 1 tsk vanilludropar 140 g hveiti ½ tsk salt 100 g hvítt súkkulaði Byrjið á að stilla ofninn á 180°C og yfir- og undirhita. Bræðið smjörið í potti. Setjið púðursykur í skál og blandið bráðna smjörinu saman við. Bætið svo eggi og vanilludropum saman við. Hrærið. Setjið hveiti og salt í skálina og hrærið saman. Saxið hvítt súkkulaði gróft niður og bætið út í deigið. Smyrjið form eða eldfast mót með smjöri og hellið deiginu í það. Bakið í 25-30 mínútur. Skerið í bita áður en kakan er borin fram.

Kjúklingashawarma fyrir 2 2 kjúklingabringur Safi úr ¼ úr sítrónu ½ dl olía 2 hvítlauksrif ½ tsk salt 1 tsk svartur pipar 1 tsk cumin 1 tsk paprika 1 ml túrmerik 1 ml kanill 1 ml chiliflögur Skerið kjúklingabringurnar í litla bita og setjið í skál. Setjið sítrónusafa, olíu og kryddin út í skálina og hrærið öllu vel saman. Leyfið kjúklingnum að marínerast í nokkrar mínútur ef það er nægur tími. Hitið pönnu á miðlungshita og steikið kjúklinginn þar til hann er eldaður í gegn. Berið fram með pítubrauðum, grænmeti og sósu. Tzatziki 100 g grísk jógúrt ⅕ úr gúrku 1 hvítlauksrif 1 ml salt Rífið niður gúrkuna með rifjárni, pressið hvítlaukinn og blandið öllu saman í skál. Pítubrauð 200 g hveiti 1 tsk salt 1 msk matarolía 1 tsk þurrger 1 msk sykur 3 dl volgt vatn Stillið ofninn á 200°C og yfir- og undirhita. Setjið allt saman í skál og hnoðið á borði í 8 mínútur (alls ekki styttra). Setjið deigið í skál og s...

Pad thai 100 g hrísgrjónanúðlur 1 kjúklingabringa 1 msk matarolía 2 msk púðursykur 2 msk sojasósa 1 msk hrísgrjónaedik ½ msk ferskur limesafi ½ msk fiskisósa ½ rauð paprika 2 gulrætur 1 hvítlauksrif 2 vorlaukar 1 egg ¾ dl ferskt kóríander Hrærið saman púðursykri, sojasósu, hrísgrjónaediki, limesafa og fiskisósu. Setjið til hliðar. Skerið kjúklingabringuna í litla bita og skerið paprikuna og gulræturnar í strimla á stærð við eldspýtu. Saxið hvítlaukinn og vorlaukinn smátt. Hitið olíu á pönnu yfir miðlungsháum hita og steikið kjúklinginn þar til hann er fulleldaður. Takið kjúklinginn af pönnunni og geymið til hliðar. Setjið núðlur í pott og sjóðið þær eftir leiðbeiningum á pakka. Setjið papriku og gulrætur á pönnuna og steikið í 1-2 mínútur, Bætið svo hvítlauk, vorlauk og baunaspírum á pönnuna og steikið í 1-2 mínútur til viðbótar. Ýtið grænmetinu til hliðar á pönnunni og brjótið eggin í miðjuna. Hrærið í eggjunum þar til þau eru fullelduð. Bætið kjú...