Tælenskur pottréttur

fyrir 2-3

½ laukur

1 hvítlauksrif

1 gulrót

½ dós babymaís eða bambus

½ græn paprika

1 msk matarolía

200 g svínakjöt

1 tsk rautt karrýmauk

1 dós kókosmjólk

1 tsk sojasósa

4-5 dl vatn

2 dl hrísgrjón

½ tsk salt

1. Setjið hrísgrjónin í pott ásamt vatni og salti og sjóðið þau í 20-40 mínútur (fer eftir því hvort hrísgrjónin eru brún eða hvít) á meðan rétturinn er eldaður.
2. Saxið laukinn og hvítlaukinn.
3. Skerið gulrótina í langa mjóa stafi og babymaísinn í tvennt langsum.
4. Takið fræin úr paprikunni og skerið hana í mjóa strimla.
5. Skerið svínakjötið í strimla.
6. Setjið 1 msk af matarolíu í stóran pott og stillið helluna á meðalháan hita.
7. Steikið laukinn og hvítlaukinn í pottinum í um 2 mínútur.
8. Setjið svínakjötið út á pönnuna og steikið það þar til það er byrjað að brúnast (u.þ.b. 5 mín).
9. Bætið karrýmaukinu út í pottinn og hrærið í lauknum.
10. Setjið kókosmjólkina út í pottinn.
11. Leyfið kókosmjólkinni að sjóða í um 5 mínútur áður en grænmetið er sett út í.
12. Hrærið vel og setjið sojasósuna út í og leyfið kjötinu að eldast í gegn.
13. Smakkið pottréttinn til þegar svínakjötið er orðið eldað.

Það er líka hægt að nota kjúkling í þessari uppskrift í stað svínakjöts.